PHOTOS

A hnuaiah thlalak ka rawn tar chhuak e.

KUM 2015 MMC/F HRUAITUTURTE

2015 MMC/F OB TURTE
Pastor              - Rev. Khamh Tin Uk 
Chairman         - Pu B.Remliana 
Vice Chairman - Pu Lalrinawma 
Secretary         - Alex Lalagenthanga
Asst. Secretary - Nl. Lalrinsangi
 Treasurer (1)   - Pu Lalropianga 
Treasurer (2)    - Pu Thlamuanpuia 

Rev. Khamh Tin Uk

Pu B. Remliana

Pu Lalrinawma

Tv. Alex Lalagenthanga

Pu Lalropianga

Pu Thlamuanpuia

MALAYSIA RALTLANTE TAN REMEDI (TUNE INSURANCE)

REMIDI FOR REFUGEE
RALTLANTE TAN REMIDI

 Malaysia a UNHCR chuan Tune Company ah Chhiat tawh thulha lukhawng nei tura pawisa dahkham (Insurance) hi raltlan zawng zawngte lei thei turin kumin 2014 a tang a ruahman sak tawh angin Raltlan tam tak chuan an lei nual tawh a ni. Chu Insurance lei tawhte tan a hriat tur pawimawh te chu:

*Damdawiin a I mu dawn a nih chuan Tun Insurance Card chunga awm phone number (Help line: 011-33019019 or 011-33019020)hi I ko anga English or Malay tawngin chanchin kimchang takin I hriattir tur a ni.
 *Chanchin I hriattir hnuin I UN Card a chuang I hming leh UN Card number ching takin I hriattir bawk tur a ni.
 *I in Admit na damdawiin hming leh a hmun chiang kuang takin I hriattir bawk tur a ni.
 * Chanchin hrilh hre lova Damdawiin a tang I lo chhuak a nih chuan I tih tur pawimawh chu-
1. Hospital Bill (I sengso zat pawisa pekna lehkha)
2 .Discharge Note ( I chhuakna lehkha)
3 .Hospital Receipts (if the patient paid) Damloin a lo pe tawh a nih chuan a pek toh na lehkha Zawng zawng chu a loh theih loh a dilchhuah hnuah pawisa dil let leh tur in heng a hnuaia tar lan takah te hian thawn tur a ni. Fax: 03-62061190 Email: peter@praassist.com.my ah hian I UN Card Xerox Copy chu an rawn biak pawh theih na tur che phone number nen kimchang takin I pe tur a ni. Chutianga I tih zawh hnu chuan Tune Insurance REMEDI a tang damdawiin a tang I sengso zawng zawng pawisa chu rawn lam leh turin chanchin an rawn hriattir dawn che a ni.
 Pawisa I va chhuahin mahni(Damlo) kher kan kal thei lo anih chuan Damlo UN Card leh Damdawiin a tang lehkha pawimawh zawng zawngte nen ken phei mai tur a ni.
 NB: Hriattur pawimawh chu Nau neia damdawiina kan mu erawh chu Tune Insurance hian a in hnmanhnawih(not concern) lem lo a ni tiin a puang ve thung.

Lalnunpuia (Puitea)
B.A (Eng)
012 2982564

JABATAN PENDAFTARAN NEGARA (JPN)

DEPARTMENT OF STATE REGISTRATION
   
 Malaysia ah hian nau piang Birth Certificate lakna hmun hi a hla thei khawp mai a, mahse tun hnai lawk a tang khan KL chhung Pudu Raya Bus Station(Zayyar bul) ah mai hnai takah a lak theih mai avangin a lawmawm hle. KL a chengte a bik takin Pudu leh Bukit Bintang(Alor) a cheng te tan chuan hnaite (10 to 15 min ke a kal) a ni. Nau an pian hnu kar hnih tlin hmain pianna lehkha la thei ila duh thusam a ni.
      Birth Certificate kan lak thin hian keini tlangmite hi chhung kuain kan kal dur dur fo thin. A hmunah mi an lo hnihthum thin avangin darkar 3-4 vel kan nghah hian hun kan sen mai bakah Naute leh Anu an ngaihtuah awm thin a ni. Chuvangin thurawn(Advice) ka pe duh che u chu, Paberin Naute pianna lehkha (documents) zawng zawngte, Nupuite Card(Passport, UNHCR or Community) leh a theihnghilh hauh loh tur Inneihna Lehkha (Marriage Certificate) a keng ngei ngei tur a ni.
       A chunga ka rawn tar lan tak zawng hi kimchang takin kan zawm thei a nih chuan awlsam takin Nau thar pianna lehkha (Birth Certificate) kan la thei dawn a ni e. A chhiartute zawng zawng lalpan a let tam takin malsawm che u rawh se. Ka lawm e. Puitea Malaysia.

NGAI RU AN THAWM RI TE CHUAN

NGAI RU AN THAWM RI TE CHUAN

Satu: Inner Light

1.Ngai r’u an thawm ri te chuan, pial lei thiam a nghawr vel e,

Lei chungah rem na leng se,ti a chanchin tha chu thlen in,

Van hmun ropui pelin, ran thleng chu rawn bel in,

Chunriang Mari hrei chawiin, tlang tin a thang chhuak e.

Cho:     Khawngaihna thilpek a ni e,

Sual bawia tang te tlanchhuak tur chu,

Kan neih ro hlu thil zawng hlan ve in,

I kal ang u Lal thar chibai bukin.

2.Aw Isu Immanuel chatuanpa remna lal chuan,

Sual thuk thim hnuaia thu te tan, chatuan nunna rawn thlenin,

Kan zalenna tur chu lenkawl a lo eng e,

Hlimin zai tin vawr zain, lawmin I fak ang u.

3.Nangni lenrual duh te u, he hun hlu ni ropui hi,

Engtin nge in hman dawn le, inngaihtuah chian a hun ta e,

Sual rawngbawl nan mai nge lalram a lo zau nan,

Chhandamna chanchin tha hi hrilin I puang ang u.

………………………………………………………………………

KRISMAS NI LAWMAWM

KRISMAS NI LAWMAWM

Satu: Inner Light

1.Krismas ni lawmawm kan thleng leh ta,

Ngui leh lungngaih tah mit tui te ban sanin,

Bethlehem khaw aisi eng chu thlir ve in,

Beram pu te lai khumah an zal laiin,

Hriat loh ching khual van mi thianghlim rawn kal chuan,

Mi tin tan a chanchin tha chu rawn thlen in,

Cho:    Aw nang Bethlehem Judai ram a mi,

Judai khawpui te zingah I te ber tawp lo,

I chhung a tangin awptu a chhuak ta,

A mi Israel te hruai tu chu.

2.Van mipui fak hla aw mawi thang khawk ri chuan,

Leilung hi a nghawr a khat thin lai ril’an,

Remna lal fa lal Krista lo pian ni chuan,

Chungthang van siar te paw’n chibai an buk,

Kan thinlung kawngkhar a hnen lamah hawn in,

Chibai buk turin I kal ang u tun ah.

3.Nangni vang Angel seraf thianghlim te u,

Ran in tlawma lal thar lo piang chawimawi in,

Chungthang van ah pawh in awi ve dawn lawm ni?

Hei ang renga kan tan a lal lo piang hi,

An piang leh tawh lawng nge he lei chinah hian,

Kan vannei em e he hun kan tawng leh hi.

…………………………………………………………………………

BETHLEHEM A LAL LO PIANG

BETHLEHEM A LAL LO PIANG

Satu: Inner Light

1.Bethlehem a Lal lo piang a chu

Lal zawng zawng aiin a piang nem maw,

A pian na bawng in tlawm lo niin,

A zalna ran thleng lo ni si.

Cho:    Amah chu Lal Krista, a hmingah Immanuela,

Amah chu kan hnenah, van khawpui nuam kal san in,

Khawvel sual tlan turin, a in pe van lal chuan.

2.Khawvel thim zing a ta chu eng ah,

Khawvel lungngaih na a ta te pawh,

Muanna kan lo chan theih na turin,

Van Lal Fa chu a lo ping ta.

3.Ngaiteh thang van a hla mawi ri chuan,

Chungnung ber a Pathian ropui se,

Lei chungah remna thu leng rawh se,

Tiin an fak van lal ber chu.

CHUNG TUR NI HER CHHUAKIN

CHUNG TUR NI HER CHHUAKIN

Satu: Inner Light Zaipawl

1.Chung tur ni her chhuakin,

A mi an thang chhuak e,

Kan chhandamtu a lo pian ni chu,

Chul hnu vul zai rel ve lo hi

Awm tak ang maw

Kan hlim kan lawm na ni ah hian.

Cho:    Hlimin leh lawmin I zai ang u,

He Krismas ni lawmawm ah hian,

Hlimin leh lawmin I au ang u,

He ni hi I lawm ang u.

2.Par tin vul zai relin,

Sirvate’n zai lo sa,

Keini paw’n rimawi tin reng chawiin,

Khuavel I than tir ang,

Krismas hla mawi sa in

Vanah Agel te lung thlur in.

Bridge: #Thal tui ang kan lo nghak Krismas,

                Tunah a lo thleng leh ta,

                Thinlung ngui zawngte lo tho in,

                He ni I lawm ang u.#

HNAM ZETIN TAN A LO PIANG

HNAM ZETIN TAN

Satu: Inner Light Zaipawl

1.Hnam zetin tan a lo piang;

Van lal Fapa a ni,

Mihring zing ah a lo piang;

Kan lal tur ah.

Cho:    Lei lal ten do mahse,An dang zo chuang lovang,

A ram a zau zel ang,Chatuan Chatuan thlengin,

Leiah lal ten do mahsela,

Kei ni zawng I chawimawi ang u.

2.Mihring aia in ngaitlawm,

Ran thleng chu a thlang zawk,

Mahse Van Mipui te chuan,

Kan chawimawi si.

3.Thinlung a lam hawn I la,

Hmangaih a min zawng tu,

Kan thinlung Bethlehem ah,

I kian tir ang.

…………………………………………………………………

           

                                                                                               

           

ZANTHIANG REH LAI TAKIN

ZANTHIANG REH LAI TAKIN

Joseph Mohr 1792-1848

KHB- 91

Satu: Inner Light Zaipawl

1.Zanthiang reh lai takin,
Enna a lo thleng ta;
Hraite rawn chawi chun nunnemin,
Nau thianghlim ngilnei leh zaidam,
Remna lal fa chu. (2)

2.Zanthiang reh lai takin,
Hruaitu siar eng mawi;
Mifing ten rawn zui zel in,
Thilpek thianghlim an hlan e,
Lalpa Krista chu. (2)

3.Chuzan reh lai tak chuan,
Siar hmingthang enga;
Van angel te zai mawi chuan,
Haleluiah, kan lalber,
Lalpa Krista chu. (2)

KHAWVEL LAWM NAN

KHAWVEL LAWM NAN

Issac Watts 1674-1748

KHB- 79

Satu: Inner Light Zaipawl

1.Khawvel lawm nan a lo kal a,
Leiin a Lal lawm se;
Thinglung tinin hmun lo kian se,
Lei leh van zai rawh se, (2)
Van leh khawvel zai rawh se.
 
2.Khawvel lawm nan ro a rel a,
Miten zaiin fak se;
Tlang leh phai leh luite pawhin,
An lawm hla nawn rawh se, (2)
Nawn rawh se, an lawmna hla chu.
 
3.Khawngaih leh thutakin a rel,
Hnamte an lo ding chhuak;
A felna ropui tak mai chu,
A hmangaihna hlu chu, (2)
Mak an ti, a hmangaihna chu.

…………………………………………

BETHLEHEM ARSI ENGMAWI

BETHLEHEM ARSI ENGMAWI

Satu: Zoramchhani

1.Bethlehem arsi engmawi ber,
Kawlkil thimah a lo eng a;
Kawngbo te tan enna a rawn pe a,
Khawchhak mifingte rawn hruaiin;
Isua pianna a rawn thlen a,
Bethlehem arsi engmawi eng reng rawh.

Aw Bethlehem arsi engmawi,
Kan chungah ropui takin lo eng la;
Kan kawng atan eng min pe la,
Chatuan ramnuam kan thlen thleng in;
Bethlehem arsi eng mawi engreng rawh.

2.Chawlhna beisei arsi engmawi,
Tlansa mifel malsawm te tan;
Ropui taka lallukhum khum hun chuan,
Isua Pathian arsi mawi chu,
A lo eng zual deuh deuh ang a;
Bethlehem arsi engmawi engreng rawh.

3.Bethlehem arsi engmawi ber,
Aw tunah hian lo eng leh la;
Khawvel sual thim a kan vahvaih lai hian,
Mifingte kawng i en ang khan;
Kan thinlung sual thim chhun eng la,
Bethlehem arsi engmawi engreng rawh.

…………………………………………………

HMANAH KAISAR LAL LIAN RENGPUI

HMANAH KAISAR LAL LIAN RENGPUI

Rokunga 1914-1969

KHB- 117

Satu: Zoramchhani

1.Hmanah Kaisar lallian rengpui lallai nieng hnuaiah,
An hril vanhnuai khuavel chhiarpui hmingthang;
Chhingkhual mipui pungkhawm zingah Marin riahrun a chang ve lo,
Bawng in runpui a bel.

2.Khualbuk vengtu i ui lawm ni tlantu mualliam tur chu,
Amah vanga khuavel dam theih na kha;
Khualbuk vengtu suihlung mawl in vanlalrengpui ka lungdamna,
Puan ang a hnawl ta e..

3.A liam silo khardan hliap an chhingkhual a ding reng e,
Ngaiteh kawngkhar bulah ka lo ding e;
I chhungah ka lo lut ange i thinlung kawng min lo hawn rawh,
Tiin min dil fo thin.

4.Khualbuk vengtu ang mai ka ni sualin min bawm reng e,
Ka thinlung ram Kaisar lal na ah hian;
Bethlehem tlangpui rawn din la i tan ranthleng rawn hung leh la,
Tahchuang lo cheng ang che.

--------------------------------

MAL MIN SAWM TURIN

 

Mal min sawm turin

Patea 1894-1950

Satu: Lalroutmawii

1. Mal min sawm turin,

Van khuaan ro a rel;

Eden kawngkhar an hawng leh ta,

Lut ru, Zion khua a var ta.

Lawm ru, Lawm ru,

Min tlantu Beram No a lo kal;

Fak ru, Haleluia, Amen.

Haleluia! Min tlan turin a lo kal.

2. Zan hla mawi ri chuan,

Lei hi a nghawr nghing a;

Eden a muhil an tho leh ta;

Khawii nge chhun arsi chu an ti.

3. Lalberte Lalber,

Leh Zion roreltu;

Engtia awm thei nge mihringah,

A hmangaih a va mak ve!

4. A fak hla nawn ru,

Van mipui, seraf-ten;

Tuifinriat leh khawvel zawng hi,

Zaiin khat se, Haleluia

Gabriel Vanlalhriatpuia

                  Date 16.12.2014 (Tue) zing 3.24AM hian Gabriel Vanlalhriapuia s/o Pu Lalnunpuia s/o Pu Thansiama s/o Pu Sahuta chu Hospital Kuala Lumpur, Malaysia ah a lo piang ve ta a ni e. A rih lam 3.07Kg, A lu 32Cm leh a san lam 51 Cm a ni e, tluang taka a rawn piang chhuak chu kan lawm em em mai bakah Pathian hnenah lawm thu kan sawi mawlh mawlh a ni e.

Gabriel Vanlalhriatpuia

KOHHRAN LEH COMMUNITY INKAIHHRUAI DAN TLANGPUI

KOHHRAN LEH COMMUNITY INKAIHHRUAI DAN TLANGPUI

           He article hi insit tak leh thiam lo tak chungin ka rawn thai lang ve tawp a ni e. Kum 2003- 2006 khan College kal pahin Sanmyo Wesleyan Youth (WY) ah kum hnih chhung Secretary hna ka lo chelh ve tawh a, ka thawh a tanga ka thil tawn leh hriat (Experience) tlemin ka rawn thai lang ve dawn a ni e.

Kohhran or Community puitling pakhat anga ding thei kan nih chuan inkaihhruaina Dan Bu hi nei thei ngei a tha. Chuan, inkaihhruaina Dan hi zahthiam theuh ila, Committee hun a pianga Dan Bu ken thin hi kan zir tur pawimawh tak a ni bawk. Kohhran or Community tinin a hman mek Dan Bu hi a ang deuh a in Copy sak chi a nil ova, inzahthiam taka mahni duh dan chiah a siam ve mai hi a fin thlak hle. Kum tin dan endika siam tha (revise) ziah thin a nih chuan thawktute leh hruaitute karah innghirngho na a chhuak theih avangin fimkhur hle a tha.

Department pakhat khat a tan Post (eg, Evangelist, Tirhkoh,Clerk, Coordinator, Teachers etc ) kan hawng a nih chuan thlakhat tal puan lawk ila, hna dil an hnih thum deuh chuan mimal tin personal interview na neih hnuah kan tha tih ber lak mai tur a ni, mahse dil pakhat chauh an awm pawhin personal interview neih tho tur a nih bakah thlan tlin ngei ngei tur chu a ni lem lova, vote lak a 51% in a tling tur a ni.

Kohhran or Community hruaitu lute a bik takin OB kan tih mai thin (Chairman, Vice, Secretary, Assistant leh Treasurer) te hi kum 2 bak an nih na ngaia thlan tlin awih loh ni se a tha hle. Rei tak an lo thawh tawh chuan mahni thu ang anga kaihhruai an tum mai thin avangin kohhran or Community a keh chhe thei bawk.

Kohhran or Community inthenna chhan ber chu hruaitu rei tak thawka, mahni thu (power) in kaihhruai mai kan tum thin vang a ni. Chairman thu (Power) hi a hman hun a awma, kohhran or Community ah rawngbawltu Evangelist emaw rawih a nih dawn chuan Chairmanin mahni thu neihna ang a koh mai ni loin Pastor emaw Tirkoh emaw kan nei a nih chuan an rem tihna te dila inrawn tawn zel thin hi a fin thlak a ni. Sumphut emaw lehkha lut emaw a awmin Kohhranpui hnuaiah Executive Committee (EC)  ding a nih chuan Chairman in EC relah ti thiam mi a ni tur ani.

Kohhran or Community hnuaiah chuan Department hrang hrang a awm thei, (Entirnan Nuho, Thalai, Naupang etc.). Kohhranpui hruitulu hmingah Chairman, Nuho hruaitulu hmingah President, Thalai lam Hruaitulu hmingah President, Naupang Sunday School hruaitulu hmingah Superintendent leh thla tin or kartin chanchin bu chhuahtu hmingah Editor ti a hming vuah te hi a nalh a ni.

Committee or Meeting neih dawn chuan kar 1 puan lawksa a nih mai bakah Agenda tur pawh hi committee member te chu Secretary in a hriat tir ngei ngei tur a ni. Chuting bawkin Auditor Convinor pawhin Sum audit a awmin kar 1 ai hmaa inhriat tir thei ngei tur ani. Committee kan kal hman dawn lo a ni chuan Chairman or Secretary a hman remchan loh phatna a hrilh hre ngei bawk tur a nia, kan kal tlai deuh a nih chuan Chairman hnenah luh phalna a dil ngei se a mawi hle. Committee naah thu kan rawt dawn a nih chuan Chairman hnenah a din theih em tiin zawh hmasak ni thei se a tha hle. Chairman in rawtna a siam hnuin memberte lam a tang rawtna a lut a nih chuan a ngawipui mai tur a ni lo. Committee laia kan sukthlek dan zawng zawng tlangpui chu Journal Secretary in a record tur a nia, Journal kan inruat lem lo a nih chuan Asst. Secretary in ziak lut ngei thei se a duhawm.

Heng ka thai lan tak lehkha tlinglo tak mai hi min lo chhiar sak tute zawng zawng chungah lawm thu ka sawi. Lalpan a let tam takin malsawm theuh che u rawh se..

Lalnunpuia (Puitea)

 

Naupang Enkawl Dan

Naupang chu:- 1. Aia upate nel dan tur tawk zirtir la, mi mal chungah thu lo turin hrilh rawh. 2. Tawngkam mawi lova an biak phal lo la, hawihhawm takin mite biak tur tih hrilh rawh. 3. An serh leh kap bawr sil fai dan zirtir la, tumah khawihtir lo turin hrilh rawh. 4. Ka bial nu ka bial pa tiin an fiam phal suh la, chutianga fiamtute lakah chuan inthiar fihlim turin hrilh rawh. 5. An infiamna en dik la, sex rim nan thei zawnga infiamnaah tel lo turin hrilh rawh. 6. Zawhna hlimawm tak tak zawt thin la, harsatna leh lung nih lohna an neih chuan i hnenah sawi thin turin hrilh rawh. 7. Mi pindanah lut mai mai lo turin zrtir la, dress an inthlak laiin lo inthiar fihlim thin turin hrilh rawh. 8. A tawk tein sex hlutna, zahawmna zirtir la, anih loh chuan khawtlang atang a dik lo zawnga zirtirna a dawng tho ang tih hriain film tha lo en lo turin hrilh rawh. 9. Engkim hi an tan thurawn petu an ni a, an entur awm cartoon leh lehkhabu tha hmangin khawsak dan tur hrilh rawh. 10. Puitling hnenah kal / visit turin tirlui suh la, puitlingte ngainat dan tawk hrilh rawh. 11. Rilru taksa lama an hrisel thianghlimna tichhe thei thil te (music, video, eiin, infiam dan tha lo, etc.) hriattir la, chung lakah chuan inthiar fihlim thin turin hrilh rawh. 12. Tu emaw chunga lung nih lohna a neihin ngawih bo pui mai suh la, a chhan zawng chhuakin Bible kal tlanga chhan let dan tur hrilh rawh. 13. Huaisen turin zirtir la, mipui hmaa din chhuah ngam a pawimawh zia hrilh rawh. 14. Nu leh pain a chunga hmangaihna an lantir dan hriattir la, nu leh pate hmangaih ve thung dan hrilh rawh. 15. Pathian chu engkim chunga roreltu a ni tih zirtir la, a chungah beiseina nghat tlat turin hrilh rawh. * An harsatna, buaina hriat sak la, chuta ta chu i chhan him thei a ni tih lantir rawh.