Kolossa 3:17

Tin, in tih apiang chu thusawiah emaw,thil tihah emaw ama zârah Pa Pathian hnêna lâwmthu hril chungin Lalpa Isua hmingin ti vek rawh u.

Nehemia 8:10

Chutichuan ani chuan an hnênah, "Kal ula, thil thau eiin thil thlum in ula, engmah buatsaih nei lote tân chanpual thawn ang che u, vawiin nî hi kan LALPA tâna ni thianghlim a nih hi, lungngaiin awm suh u; LALPA chunga lâwmna chu in chakna a ni si a,"a ti a.

Jakoba 1:2-3

Ka unaute u, in rinna fiahna chuan chhêlna a siam tih hriain, thlêmna tinrêng in tawh hunin lâwmna hlîrah ngai rawh u.

1 Thessalonika 5:16-18

Lâwm fo ula; bâng lovin ṭawngṭai ula; engkimah lâwmthu hril fo rawh u; chu chu nangmahni lam thuah Krista Isuaah chuan Pathian duh zâwng a ni si a.

Philippi 4:4-7

Lalpaah chuan lâwm fo rawh u: ka ti leh pek thîn ang, lâwm rawh u. In dawhtheihzia mi zawng zawng hriat ni rawh se. Lalpa chu a hnai e. Engah mah mangang suh u; engkimah ṭawngṭai leh dilin, lâwmthu hril tel zêlin, induhnate chu Pathian hnênah hriattîrin awm zâwk rawhse. Tichuan Pathian thlamuanna, rilru rêng rênga hriat sên loh khân, in thinlung leh in ngaihtuahnate chu Krista Isuaah chuan a vênsak ang che u

Habakuka 3:17-18

Theipui thing pâr vul dâwn lovin, Grêp hrui rah dâwn hek suh sêng,Olive thing pawh rah lovin, Lovin ei tûr chhuah dâwn lo mah sêng, Ka lâwm zel ang, LALPA-ah chuan, Ka chhandamna Pathianah chuan ka lâwm cheu dâwn.