Mother's Day

MOTHER'S DAY

   Kumin May 10, 2015 Chawlhni hi khawvel chuan Mother's Day (Nuteni) a hmang angbawkin keini zofate hmun hrang hranga chengte pawhin mahni awmna hmun theuh a tang Nuteni chu khawtlang leh kohhranah te urhsun takin kan lo hmang ve ta zel ta a ni. He ni hian kohhran leh Fellowship tin te'n pasal nei tawh zawng nute chu din tirin ngaihhlutna lawmman kan in hlan thin a ni. 

Nuteni lo in tan dan tlem han tarlang ila, 1872 Kumah mitdelho zirtirtu ropui tak Julian Ward Howe-i chuan a chen na Boston khawpui ah nute ni hmang turin a lo huai hawt tawh a. Mahse ,a puitling tak tak lo a ni.

Kum 35 liam hnu –ah USA mi Mrs. Anna M-Jarvis-i chuan khawvel pum huapa kan hman NUTE NI hi a rawn ti chhuak ta a. Mrs. Anna M.Jarvis-i hi May 1864 Kum ah USA Philadelpha Khua ah a piang a, Kum 84 a dam.1948 kumah a thi. Unau pahnih an ni a,a nau chu Elsinors a ni.Methodist Kohhran an ni. A pa hi a fel vak lo a ni awm e. Nufa te enkawl tha thei vak lo mi ni a sawi a ni.Chuvangin a nu hian eiin tur zawngin, an chhungkua a chawm a. An unau hnih school kal na tur lamin a nu zawk hian sum leh pai a zawn sak a ni.
Heng a nu in a hmangaihna leh an chhungkaw tan a thawh rim zia a hmuh hian Jarvis-i chu la naupang hle mahse, a khawngaih em em a. A nu lat ve hunah chuan pasal nei lovin a nu chawm turin a in tiam ta a. School kal phah in( part time in) zirtir tu hna a thawka, a theih ang angin a nu chu a tanpui ve a. Tin, Methodist Gratton West Virginia Church ah Kum-20 chhung Sunday School zirtirtu a thawk bawk.
Vanduai thlak takin May 9, 1905 Kumah a nu in a boral san a. A nu chu a ui em em a. A tuar na hle a. A nu hmangaih na nasat zia a ngaihtuah in, a thinlung chhungah a nu hriatrengna ni hman tum na a lo liana ta em em a. Chuvangin May ni 9, 1906 Kumah thenawmte, leh a thiante tlemte nen a nu hriatrengna chawhlui kil ho na leh tawngtai na an hmang ta a ni.
Chutichuan 1907 kumah pawh a nu hriatrengna ni a buatsaih leh a. 1908 kumah erawh chuan hman pui tu mi 400 lai an lo tling ta a. An kohhran Pastor-in a hman pui nghe nghe a, Joh 19:17 na thu a chhiarin thu sawina a nei a ni.
Hetianga nu te hmangaihna nasa lutuk tawngtaina hi Lalpan a chhang a, May ni 9 ni Mothers day nih tir a tumna chu a hlawhtling chho zel a.Company Factory-a a thawh pah in,kumkhat chhungin khawvel mi ropui mi 10000 chuang hnenah lehkha a thawn a.Nu te pawimawh zia,an hlut zia,fate an hmangaihna thuk zia te a ziak a ni.
A nu thihna champha hman pui tura lo kal te hnenah Rose par a lo pe thin a.Nu la nei te chu a par sen a pe a,nu nei tawh lo te chu a var a lo pe thin a ni.Lalpan hetianga nasa taka a beihna leh a tawngtaina a chhang a.1912 kum a lo thlen meuh chuan USA Texas Governor chuan Mother’s Da y a pawmpuina tih lan nan lungin tang leh saltangte a chhuah za len sak a.May ni 9 ni hi Office khar ni a tan a puang tel nghal bawk.
1913 kumah chuan USA Senate Parliament member te leh House of Representative ho pawh in May 9 ni hi Mather’s Day ni a tan an nemnghet leh a.1914 kum a lo thlen chuan USA President Woodraw Wilson-an May ni 9 ni hi Mothers Day ni a tan nemnghehna hming a sign ta a ni.Chuta tang chuan khawvel pumah May ni 9 ni chu Mothers day ni a tan an lo hmang ta a.Hun a lo rei deu hnuah May ni 9 ni kher ni lovin,May thla chawlhkar 2 na Sunday ni an hmang a.Vawiin ni thlengin kan hmang hlen ta a ni.Mothers Day ni hian nu la nei ten kawr sendang lam an ha thin a,nu nei tawh lo ten kawr var an ha thin a ni.Min hmangaihtu kan nu te hi mitin in I chawimawiin, I hmangaih let theuh ang u.

Source: Vangva.com

Thu belh.....

Thomas Woodrow Wilson (December 28, 1856 - February 3, 1924), a ni hi 1913 to 1921 hian US President 28th na term hnih a thawk a ni.