KA VEI ZAWNG

                                                   KA VEI ZAWNG

Khawvel hmun hrang hrang a cheng keini Zo hnahthlak te hi khawi hmunah pawh cheng mah ila Kristian kan nih angin Pathian biak leh Chawimawi hi kan tih fo thin tur leh kan tih makmawh tak chu a ni.Pathian kan biak za ho hian tawngkam tlem a mawi chiah lo ka tih thinte tlem a zawng rawn tarlang ve i la tiin he Ka Vei Zawng tih article hian ka rawn chhawpchhuak ve dawn a ni e.

            A hmasain kan zaihruaitute hian harhna Hla lam hlir ni loin Kristian Hlabu lam te pawh hi thiam tum hlawm ila a tha viau ang. Kristian Hlabu chhunga mi hla kan sak hian kan zaihruaitute hian an sa thiam tawh lo hi chu a fel hlel deuh lo maw? Chuvangin Kristian Hla Bu hi thlah thlam loin Youtube a tang te leh Google Play Store a tangte hian install in I zir thin ang u…
            Inkhawm huna Chairman kan nihin kan din chiah hian “ Kan Pathian biak I lo tan tawh ang u” ti kan awm leh nual thina heng tawngkam hi I fimkhur tlang ang u. Chairman a din hmain mipui hlasa in kan tan daih tawh chuvangin Chairman a din tan chiah hian “ Kan Pathian biak I lo chhunzawm zel ang u” tih tawngkam hman thin hi a mawiin I zir thin ang u..
            “Tantu” tiin Inkhawm Bulletin ah hian kan chuan tir fo thin a hei hi a fel hlel deuh em aw tiin ka ngaihtuah thin; kan inkhawm tan hunah Chairman leh Hunhlantu te’n hun an hman tawh avangin “Bible Chhiartu” tiin kan Bulletin ah hian chuang thin se a inhmeh hle ang!
            Thuhriltu dinchhuah hmaa Chairmanin “ Thuhriltu koh nan Hla No. ?? hi I lo sa ang u” emaw “Mawng kham tih reh nan mipui kan zavaiin a dingin Hla No.?? hi I lo sa ang u” ti kan awm leh zeuh thin. Pathian kan biak zaho lai hi chuan hetiang tawngkam hi a mawilo mai ni loin I hmang lo hram ang u.
            Inkhawm hmaa bulletin kan sem a nih chuan Chairman in ban dawn hnai lama “ Kan keyboard pu a lo in rin theih nan Hla No. ?? lo inring rawh se” tih tawngkam kan hmang ziah thin pawh hi a fel chiah lo; Bulletin ah Hla No. 1 leh No. 2 na tiin a chuang vek tawh a kan inkhawm tan hma hian Keyboard pu hian a lo in ready lawk vek tawh a ni tih kan hriat a ngai.
            Inkhawm bana Malsawm tintu tur Pastor a awm loh change Chariman in “Lalbiakna I lo chham rual ang u” te kan ti leh mai thina, Lalbiak rualna hi chham mai mai tur kan ni lo a “ Mipui kan zain Lalpan tawngtai dan min zirtir angin I lo tawngtai rual ang u” tih tawngkam te hi hmang thin I la a tha viau ang.
Heng a chunga ka rawn tarlan zawng zawng “ Ka vei Zawng” tih article tlawm tak hi min chhiarsak tu zawng zawngte Lalpan a let tam takin Malsawmin kaihruai zel che u rawh se tiin inzavai chungah duhsakna ka hlan a che u..

Inrawngbawlpui,
Lalnunpuia (Puitea)