SOCIAL VISIT VISA PAWTSEI (EXTEND) DUHTE TAN

SOCIAL VISIT VISA PAWTSEI (EXTEND) DUHTE TAN
              Vawiin zing chu vai pathian thawh hmain kan pastor(Rev. Henry Lalhmuakliana) nen Visa thlakhat pawtsei (extend) leh turin Pejabat Imigresen Wilayah Persekutuan Kuala Lumpur hmun lam panin kan phei nal nala, Pathianin kan tawngtaina te a chhanga tluang takin kan Pastor Visa chu thlakhat a tan July 11, 2017 thleng kan extend thei ta e, kan Pathian hming fakin awm rawh se.
             Malaysia-ah kawlrammi Social Visit Pass a rawn zin zawng zawng hi a tlangpuiin Airportah thla khat visa an lo pe thina, chu visa chu a zawh hmain Air ticket leiin passport nen visa a extend leh theih a ni. Immigration hmun kan thlenin a hnuai ber (Ground floor) ah Passport leh Air ticket hi black and white in Xerox Copy hnuah chhawngkhatna (First Floor) Unit,Visa &Pas Permit Room-ah Application Form lak a fill up tur a ni.
             Form kan fill up zawh hnuah Chhawnghnihna (Second Floor) Unit 1Serve Room-ah Form kha kan pek hnuin Tokin Number min pe anga rei lote ngah tur a ni. Chuan 1 to 4 Countera thu Officer in a rawn ko anga zawhna tlemte “ Malaysia-ah khawi hmunah nge I chen? Engavang nge thlakhat dang I extend leh duh?” tiin zawhna a siam hnuin mahni chenna kha felfai taka sawiin,” Thlakhat ka cham chhungin ka duhna hmun ka la thleng kim lova Genting Highland, Cameron Highland, Sunway Lagoon, Port Dickson etc. te ka la kal duh a ni,” tia thiam taka chhan chuan Officer pawhin tha ti takin a nui huk anga, Passport chu lain thlakhat Visa Sticker chu chengkhat mah pek ngai lovin a bel sak mai dawn che a ni e.
       Chhiartute zawng zawng Lalpan a let tam takin malsawm che u rawh se. Ka lawm e.

Address: Pejabat Imigresen Wilayah Persekutuan Kuala Lumpur
No. 69, Jalan Sri Hartamas 1, 50480 Kuala Lumpur, Wilayah Persekutuan, Malaysia
PH 03-6201 2423
Monday - Friday 7:00am to 5:00pm
Saturday - 12pm to 5pm
Sunday - Closed