Man thei lakah Lalpan min chhanhim

March 15, 2018 Ningani Zinglam 2AM velah ka Hna thawhna hmun Mango's Tropical Cafe Jalan Tun Razak ah chuan Man thei (Immigration) an rawn lut huk a Operasi an bei ta a ni.
Foreginer hnathawktu zawng zawng kha min ṭhut khawm tir vek hnuah kan Document hrang hrangte an check kual a. Kan thawhpui Bangladesh zawng zawng chuan Passport an nei hlawm na chungin Student Visa an nih hlawm avangin hnathawh theih a ni lo tiin kut kawl an buntir nghal zung zung mai a ni. A tawp berah chuan kei min check a ka neih chhun Card te chu ngun taka an en hnuin "I kal thei" min tia min thlah leh mai chu mak ka tiin ka vannei tak zet a ni.
Ka ṭawngṭaina a piangin Lalpa hnenah man thei laka min veng tur hian ka dil ṭhin ziah a, chu ka ṭawngtaina chu Sam ziaktuin "A hunte a rah thin" a tih ang chu Lalpan a hunteah ka ṭawngṭaina tlawm tak chu min chhang a ni tih ka hria chu a ropui ka ti hle a ni. Chuvangin bang lova ṭawngṭai zel tur ka ni tih hi Lalpan min hriatchhuah tir a ni.
A tawp bera ka sawi duh chu Card ka neih vanga min man lo ni lovin Lalpan Card hmangin man thei lakah min chhanhim a ni. Hnathawhna hmun dang dangah man thei an luhin UN Card nei tam tak hi man an ni tho a ni. Chuvangin kha mi zan khan ka Card nei vanga min man lo ni lovin Lalpan ka Card hmang khan man thei lakah min chhanhim a ni tih hi ka sawi nawn leh duh a ni e. Kan Pathian hming fakin awm rawh se...