JAKOBA 4:17
"Chutichuan tupawh thil ṭha tih tûr hriaa ti si lo chu a tân sual a ni."
Mihringte hi kum ka tlin tawh chuan thil ṭha leh ṭha lo hraitna (Sense) hi kan nei vek a, thil thaa kan ngaih chu mi te tih atan a khek mai lovin mahnia han tih mai pawh hi a fin thlakin a ṭha hle a ni. Tita hnena tirhkoh Paula lehkha thawn 3:8 ah "Pathian ring tawhte chuan thil ṭha ti zêl tûrin ngaihtuah rawh se." tih kan hmu a ni.
Keini tlangmite hi Pathian thu ka duh a, thuhrilte pawh hi kan phura a lawmawm hle a ni mahse kan nun dan, kan hawiher zawng zawng hi mite hian mi thlir reng tih erawh hai rual a ni lo. Ṭhenkhat chu Pulpit a thusawi ṭha viau siin mi hmuh theih loh naah chuan thil ṭha lo engkim tih huam hi ringtute zingah kan lo awm leh thin a ni.
2019 kum thar ni a lo ni a, hmun tin atang inkhawm turin biak in kan pan seng seng hlawm mai a ni. Hmun hla hnathawk tam takte pawh biak inah kan kal khawm a, kan khat ṭha hle a biak in kan leng lo deuh thaw mai a ni. Tichuan, kan ṭhat tlan theihna tur ber ngaihtuahin a hmasa bera thu aṭang a dawt te tea hmalam tawlh zel turin kan inhrilh hlawm a, hma lam kan tawl zel pah chuan thutna kan inrem belh zel bawk a ni. Chutia thutna remin mipui ahma tawlh zel tura ka hrilh zawh hnu chuan Counter a thu chuan tul lo ti fahran hian "Mipui hma tawlh tura hrilh a ngai hlei nem, thutthleng kha a hma bera rem mai tur a lawm!"tiin thinrim leh ring zet mai hian min lo vin a, "ṭha i tih dan chuan engah nge i tih mai lova, ti paih der si lova mite tih ilo sawisel" tiin ka chhang tep a mahse chhanna ṭha bera ka ngaih loh avangin ka ngawi ta mai a ni.
Kan tupui angin Jakoba chuan thil ṭha ti tura kan hriat chuan kan tih si loh chuan kan tan sual a ni tih min hriattir ang bawkin kum a rawn thar angin kan rilru te pawh hi zau taka hawngin thil tha nia kan hriat chu i ti mai ang u hming. Tirhkoh Puala lehkha thawn angin, "Engpawh ni sela, kan thlen chin aṭang khan hma i sâwn zêl ang u."(Philippi 3:16) Lalpa ropui ber rawh se.
Amen🙏🏻
ReplyDelete