𝐑𝐎𝐑𝐄𝐋𝐍𝐀 𝐃𝐈𝐊

 "Nimahsela, rorêlna dik chu lui angin luang sela, felna chu luipui kang ngai lo angin luang rawh se." (Amosa 5:24)

Zâninah hian Kum hlui thlah zân nipah fawmin "Rorêlna dik" tih hmangin Pathian thu ka rawn thai leh nawk nawk dawn a, a hmasain chhiartu zawng zawngte chungah lâwmthu ka sawi duh a ni. Tin, dikna hi ringtute chuan kan ngai pawimawh hle bawk tûr a ni a, dik taka rorêl thiam pawh hi kan tih makmawhte zinga mi pakhat a ni. Mi kan hupphurh a, dik lo taka kan hnawl ṭhinte pawh hi ringtute tih atân mawi lo tak a ni a, chutiang kan ching a nih chuan kan saphing chaih a hniam hle a ni.

Khawvêlah hian khual zin mai kan ni a, nakina kan hawnna hmun tûr hi Pa hnên a nih thu chiang taka kan hriat a ngai a ni. Mihriangte hi tumah mahnitea awm kan ni lova a ni lo berah ṭhian emaw, chhûng khat leinate nên emaw pâwl emaw a huhova cheng kan ni ṭhin a ni. Chutia kan chen honaah chuan kan nun uluk a ngai a, fel taka dik taka kan awm erawh a ṭul tak meuh meuh a ni. Kan mihring puite hmaah chuan lemchan (drama) kan thiam viau pawh a ni thei e! amaherawhchu Pathian hmaah chuan lang lo tûra thuhrûk engmah a awm lo va, hriat loh tûra zêp engmah a awm hêk lo a ni. (Luka 12:2)

Zawlnei Amosa lehkhabu kan en chuan dik taka rorêl a pawimawh thu kan hmu thei ang. He dikna hi kan kristiannaah pawh hian chhawm nun zêl erawh pawimawh tak a ni. Chu dikna pawimawh zia chu khawia ṭang nge kan zir ang tih chuan kan chhûngkua aṭang kan zir tûr hi a ni a, chu thu chu Tirhkoh Paula chuan ti hian a sawi a ni, "miin ama in chhûng khasak mah a rêl fel thiam si loh chuan Pathian Kohhranho engtin nge a enkawl theih ang? "(1 Timothea 3:5) Chuvângin he rorêlna dik hi Pâwl hova kan sawi leh infuih hmain mahni chhûngkuaah kan in zirtîr tûr hi a ni ni reng mai a ni. Kan Pathian hming fakin awm rawh se! 

Eng kohhran, Pawl-ho emaw Society-ah emaw ro kan rêl dâwn a nih chuan dik tak leh fel taka kan rêl hi a ngai tak zet a ni, dik lo taka kan rêl chuan a hunlaiin sawi chhuah loh nimahsela nakin hnuah thu dik chu an rawn haichhuak leh tho a ni. 

Kum 66 kal ta khan, George Junius Stinney chu October 21, 1929 khan Pinewood, South Carolina-ah a piang a, amah hi Midum American mi a ni. Tin, an chenna chheh vêla cheng Mingo Hmeichhe naupang pahnih Betty June Binnicker kum 11 mi leh Mary Emma Thames Kum 7 mite thattuah an puh a, Court chuan thiam loh a chantîr hnuin June 16, 1944 ah thi tûra a chung thu rêl a ni a, Electric Chaira dep hlum a ni ta a ni. Chutia thiam loh chantîra tihhlum a nih chuan kum 15 mi chauh niin Kum 1987 hma zawnga an tih hlum zawng zawng zînga naupang ber a ni tia chhinchhiah a ni nghe nghe bawk a ni. Tin, hun a lo kal zêla a thih hnu kum 60 hnu (2014) khan Cout chuan Court chuan dik lo takin a chung thu rêl a ni tiin thiam a chantîr leh lawi si a ni. Chuvângin a hunlaiin dik lo takin rorêl mahsela a hnuah thu dik chu a rawn lang leh zêl a ni tih kan hriat a pawimawh hle a ni. 

Kohhran hruitu kan nih avângin vânram kan lût dâwn lova Isua ringtu kan nih avânga piang thar kan nih chuahin vânramah kan lût dâwn tih hi chiang taka kan hriat a ngai a ni. Mite hian kan chet zia leh kan nun hi an en reng a, hla siamtu chuan ti hian a lo ziak a,

"Mite'n min chhiar min thlir reng e, ka awm dân zawng zawng min hai lo

Krista nun mawi leh chanchin ṭha keimahah hian hmuh an chak ṭhîn."

Lal Davida chuan mi dik takte'n Lalpa hmel an hmuh tur chu ti hian a ziak a, "LALPA chu a fel si a, felna hi a ngaina ṭhin a, Mi dik takte chuan a hmêl an la hmu ang."(Sam 11:7) Zawlnei Amosan, "rorêlna dik chu lui angin luang sela, felna chu luipui kang ngai lo angin luang rawh se" a tih angin rorêlna dik kan ngainat ṭheuh theih nân a thu kan ziak zawng zawngte Lalpan kan zavai atân mal min sâwm sak rawh se!

 

𝐈𝐧𝐭𝐡𝐥𝐚𝐧 𝐓𝐡𝐥𝐢𝐫𝐥𝐞𝐭𝐧𝐚

 

           Covid-19 hrilêng karah tun anglai chu Dân chungchângah inhnialna a tam em em avângin he dân nêna inkungkaih article ziak tûrin ka rilruah a rawn lang hlawl mai a, ka theih ang tawkin ka rawn thai ṭial ve dawn a ni. A hmasain chhiartu zawng zawngte Krismas Chibai u le!

Malaysia Mizo Community chu 2009 khan din a ni a, Pathian kaihhruaina a zarah kumin hian kan dinkum pawh kum 11 a lo tling ta der mai a, Pathian malsâwmna ka dawng kan ti lo thei lo a ni. MMC kan lo din tirh aṭang tun thleng hian Member singtel dâwn lai mai ramthumna kan thlak chhuak thei pawh hi Pathian malsâwmna kan dawng hel bawk a ni.

Tin, MMC inkaihhruaina dân bu hi Kum 2010 February thla khan kan lo nei ṭan a, chu mi hnuah vawi sarih zet mai kan siam tha (revised) leh a, a hun a zirin kan ti danglam hret hret zêl a ni. Kan lo kal tawhna zawng zawngah dân ang thlap thlap chuan ro kan rêl ve thin a, mahse mahni rama cheng kan nih loh avangin a chang chuan Meeting kal hmun thuma ṭhena hmun hnih vote-in a thu kan ṭhiah changte pawh a awm ve bawk thin a ni. 

Member ṭhenkhat chuan inthlan dân chungchangah an lungawi loh avângin dân bu hmanga rawngbâwltute vuak let chângte pawh a awm zeuh zeuh ṭhîn hi a pawi ka ti hle a. Tin, MMC inkaihhruaina dân bu a chhûnga thu ziak mahni Face book wall a an han tarlang piap piak thin pawh hia pawi ka lo ti hle ṭhîn bawk a ni. Fellowship chhûngah rorêlna avânga kan lungawi lo a nih pawhin hruaitute hnenah hrilhin ṭha takin kan ngaihtuah ho tûr a ni a, kan thiam lohna a awm pawhin huai takin thupha kan chawi mai tûrah ka ngai.

MMC Inkaihhruaina dân bu Chapter 12 Article 41:1 (a) leh (b) kan en chuan inthlan dân chi (2) kan nei a, 

(a) General Meeting-in EC member a thlang anga, tichuan GM-in a thlan tlin EC chuan Office Bearer a thlang ang.

(b) General Meeting-in Office Bearer a thlang anga, tichuan GM-in a thlan tlin OB chuan EC a thlang ang.

tiin he inthlan dân chi (2) inthlak thlengin kum 2011 hruaitu turte kan thlan dâwnin Kum 2010 kum tawp aṭang khan tun thleng kan lo hmang ṭhin a ni.

Kum thar hruaitu turte chu kum hluia thlan fel ṭhin a ni a, chuvangin nakum 2021 MMC hruaitu turte pawh kumin 2020 December Pathian ni vawi 2 naah khan kan thlang a, Kan dân bu (b) na angin inthlanna buatsaih a ni. Kumin chu Covid-19 hrilêng avangin General Meeting hmanga inthlanna kan neih theih lova Mipui aiah MMC EC, Nuho EC leh Thalai EC zawng zawngte chu Combined meeting neih a ni. Inthlan niah hian Rawngbâwltu Pastorin min hruai ṭhîn a, mahse Pastor kan neih loh avângin MMC Tirhkoh-in inthlanna min kaihruai a ni. Tirhkohin Chiarman nihna aṭang vote a pe kha pawm rem thei ngang lo member zîngah an awm a MMC dân bu Chapter (8) Article 30B:11 "Chairman-in vote pangngai a nei lo ang a, rorêl thutlûkna chungchângah vote inzat/intluk ang chi-ah ṭha a tih lamah thutlûkna a siam thei." tih ziak hmang a sawisêlna a tawh chungchângah khan pawi ka ti hle bawk a ni.

MMC kan lo kal tawh dânah han thlir let leh ila, Kum 2019 hruaitu tûrte kha MMC Inkaihhruaina dân bu Chapter 12 Article 41:1 (a) GM-EC-OB hmangin December 09, 2018 nikhan inthlanna buatsaih a ni a, inthlan zawhah GM-in a thlantlin EC-te chuan OB tûte thlan nghal a ni a, Rev. Henry Lalhmuaklianan rorêl min kaihruai.Chairman dinhmun aṭang OB thlantlin mi 7 te kha an vaiin vote a pe vek a ni. Secretary Nomination-ah khan Pu Lalnunpuia leh Pu Lalenkawla-te kha vote inzat an hmuh avângin Chairman nihna aṭangin Rev. Henry Lalhmuaklian chu thutlukna siamtîr a ni a, Secretary thlantlin chungchângah Vote 2 a nei a, chu chu kan zavaiin rem kan ti tlang a ni.

Chutiang bawkin Kum 2020 hruaitu tûrte kha MMC Inkaihhruaina dân bu Chapter 12 Article 41:1 (b) GM-OB-EC hmangin December 8, 2019 khan intlanna buatsaih a ni a, Pastor kan neih loh avangin Chairman Pu Rinawman inthlan min kaihruai a, Vote a pe tho a ni.

Kumin MMC OB inthlan laia Chairman-in vote a pe tia lungawi lo chuan kan lo kal tawh dân a hriat loh vâng niin ka hria. MMC EC Meeting rorêl leh MMC hruaitu inthlan earwh a in ang lo tih hi kan hriat a ngai hle niin ka hria. Tin, December 20, 2020 Pathian ni chhûn khân MMCY hruaitu inthlanna buatsaih a ni a, thu hrechiang lova rawngbawltu Tirhkoh kan hnial vak ṭhin pawh hi sim a ṭha khawp mai. Kum 2021 kan chuangkai tawh dâwn a, kum tharah chuan Krista rilru putu kan nih zêl theih nân Lalpan min awmpui ṭheuh hlawm rawh se.

"He rilru, Krista Isua pawha awm bawk kha, nangmahniah awm rawh se."(PHILIPPI 2:4)

Fuluck Bar

 

Hainan Tiki

 

Evan. R Lalthantluanga (Tluangtea) - I Pathian tâwk tûrin inpeih rawh

MIZO HNAM TOBUL

Copy ===>Paste

MIZO HNAM TOBUL

By CL Hruaia

 

(He Mizo hnam Tobul chhuina hi Pu H.Chhunga, Champhai IB Veng, Aizawl Saron venga awm ta in kum 1990-95 thleng research nei a buatsaih a ni a. Hualngo History behchhana siam a ni. A detail chu a thui hle a, hriat zau nan a laktawi ka han post a ni e.)


MEAZO - MIZO (MIAO(S)   -  MIEN GROUP  - CHHINLUNG (SINLING) --Group  4 ah then a ni:-

1. HIMALAYAN GROUP (Tibetan, Nepalese, Bhutanese,  Sikimese etc.)

2.  PATKOI GROUP (BC 100 - 500 AD) (Mishmi, Arunachalese, Assamese, Naga,  Meitei, Chin, Chakma, Bawm etc.)

3. MIDDLE GROUP (Myanmar, Malaysia, Indonesia, Karen,   Shan, Siamese, Rakhaing etc.)

4.  EASTERN GROUP (Laos, Cambodian,  Vietnamese etc)




                                        2. PATKOI GROUP -
               - THATCH - THAKYI - THATCHIA (200-500 AD) Katha Khawpui Lal -
   - THLAPAA (500-900 AD) -  THATCH - THACHI HNAM  - a thlahte chu a hnuaia mite hi an ni.

    1)   KHUAITUA (900 AD) King of Zohmun - Mara leh Miria hnam thlahtu

    2)  LUCHAWNGA (900-1200AD) (Tamu kullh Lal) - Paihte hnam thlahtu

    3)  LUSAIA - LUSEIA (900 - 1200 AD) Buanlung Lal - Lusei hnam thlahtu

     4)  LUSIA (1000 AD) Irrawadi lui chhaka cheng, Pawi ho thlahtu - Pawi hnam thlahtu




                                  LUSAIA - LUSEIA (900 - 1200 AD)
                      Buanlung Lal, Khampat khaw hmuna awm a ni.

                             LUSEI HNAM (Tukhuma sam zial)
                (Paihte in Duhlian an ti a, Pawiin Mar (Hmar) an ti. A thlahte chu:-

1. LAMLIRA (1100-1200 AD)   - Chhakchhuak, Hualngo, Chhangte lo chhuahna

2. SUANHAUVA  (1100-1200 AD) - Hnamte, Lianhna, Pachuau, Chuaungo, Chuauhang, Tochhawng, Vanchhawng, Hauhnar, Hrahsel lo chhuahna.   

3.  CHAWNGTHUA (1184-1240) - Chawngthu, Ralte hnam hrang hrang, Hmar hnam hrang hrang thlahtu a ni.



                          LAMLIRA (1100-1200 AD) Buanlung Lal -
  - CHHAKCHHUAKA (1200-1300 AD) - Khawchhak Lal - SUMPUIA (1300-1400 AD)Sumpui hmun Lal - SEIPUIA (1400 AD)Seipui Lal - LIANMAUVA (1440-1600 AD) Chhakchhuak tlang Lal - 1.  THLAHTEA (1480-1700 AD) Seipui Lal    2.  KHIRHTEA (1485-1700 AD)  - CHHANGTEA (1520 AD) (Chhangte thlahtu)

1.  THLAHTEA (1480-1700 AD) fate: - 1) HUALTHANA LUSEI (1520-1610 AD   2) NEIHHRIMA Chhakchhuak (1525 AD)

1) HUALTHANA LUSEI (Hualngo ho thlahtu) - a fate:-   a)  HUALHNAMA    b)  HUALNGOVA LUSEI    c)  HUALHANGA LUSEI  d) ZAHMUAKA LUSEI  
(Adopted son of Hualthana)

(Note: - LUCHAWNGA thlah (Paihte) Sihsing hnam Ngaihtoa  (1560 AD) hian a fapa Galnaa a hnawtchhuak a, Hualthana, Lusei chuan a fapa atan lo pawmin  ZAHMUAKA Lusei tih a lo ni ta a n)

d) ZAHMUAKA Fate: -   1. ZADENGA (1610)     2. THANGLUAHA (1612)     3. THANGURA (1614)   4. PALIANA (1616) - (i)  Chawnglula - Chekuala (ii) Thanmanga. (1645) - SAILOVA (1675)    5. RIVUNGA (1618)      6. ROKHUMA (1620)  






SUANHAUVA  (1100-1200 AD) Chief of Zazachuh kulh, a thlahte:-
          1. CHERA      2. ZAWNGBAWLA

1. CHERA (1200) - HNAMTE - Neihena - Neihtua - Rolenga - Thlaka - Lianhna-a

2. ZAWNGBAWLA (1205) FATE : - 1) LALLUNA     2) THANGPUIA     3)   ZAWNGDAMA

        1) LALLUNA FATE - a) Pachuauva   b)  Chuaungova    c)  Chuauhanga.

           a) Pachuauva fate - 1. Liantluanga 2. Liannghawra (Liannghawr hnam thlahtu)
                          3. Liansawma 4. Liathunga 5. Cherlala 6. Chhawnthliaka 7. Darchhuana
                          8. Chuaulala 9. Lalbawma (Lalbawm hnam thlahtu)  10. Varchuauva

               b)  Chuaungova fate: -  1. Hmunpela 2. Vanpuia 3. Chungthluka
                        4. Vanhnuaithanga   5. Darkima (Chuaungo Darkim thlahtu)
                         6. Thlehnghela 7. Lallera  8. Auhmuna (Chuaungo Auhmun thlahtu)

               c)  Chuauhanga fate : - 1. Lathanga (Chuauhang Lalthang thlahtu)
                       2. Chungpuia (Chuauhang Chungpui thlahtu)  3. Chawnchhawna
                       4. Chawnkhirha  5. Khuanglawia (Chuauhang Khuanglawi thlahtu)
                        6. Vaichuauva

        2) THANGPUIA FATE : - a) Hrahsela   b) Hauhnara

                  a) Hrahsela (Hrahsel hnam thlahtu) Fate  - 1. Seipuia 2. Chhawntluanga
                               3.  Sazaa
                  b) Hauhnara Fate - 1. Hauthula 2. Haubula
                             3. Tuithanga    4. Sellaia (Sellai hnam thlahtu)


        3)   ZAWNGDAMA - a) Tochhawnga    b)  Vanchhawnga

                    a)  Tochhawnga fate   - Tobula 2. Topuia 3. Chhakawma 4. Chemhlera
                    b)  Vanchhawnga fate  - 1. Vanlunga 2. Chemlera 3. Chengrela
                                  4. Sumkhuma   5. Saithuama




                       CHAWNGTHUA Chief of Kalemyo (1184-1240) -
Chunmanga (1220) -  Zahawnga (1260) - Siaktaka (1300) - THAHDOVA (1350) -

1. CHANGVAWNA    -1370    2.  RALHLAHA (1395)    3. RALZINA (1400)

1. CHANGVAWNA    -1370 (Chawngthu ho thlahtu)  - Ningela (1480) - Ningchawnga (1510) -  1. LERSIA (1540) (Chawngthu)   2. SINGAIA (1545) - Liandovate Unau

2.  RALHLAHA (1395) (Ralhlah tih hi Luiral kana tihna ani. Runlui kana kaltate an ni ) - RALTEA  - a fate:-  1. KHELTEA    2. SIAKENGA    3. KAWLNIA    4. LELHCHHUNA

3.  RALZINA (1400) (Luipui kana zin bo tate tihna a ni) - FENNGO HRANGKHAWLA -  HMAR ho thlahtu.

Evan. Laltlanthanga - Elija Nun

Evan. Laltlanthanga - Kornelia Nun Thuruk Pali

Evan. Laltlanthanga - Abrahama Nun Thuruk Pali

Evan. Laltlanthanga - Rinna Avânga Kan Chanvo Chi-3

Evan. Laltlanthanga - Pathian Thil Phut Chi-3

Evan. Laltlanthanga - Lal Isua Thisen Hnathawh Chi-3

Evan. Laltlanthanga - Isua Thih Chhan Pali

Evan. Laltlanthanga - Isua lo kal chhan pali

Pathian Fakna Hla Thlankhâwm

Rev. Dr. Rohmingliana - Isua Thawh Hmahruaitu

𝐍𝐆𝐀𝐈𝐇𝐃𝐀𝐌𝐍𝐀

"𝑴𝒊 𝒂𝒏 𝒃𝒂𝒘𝒉𝒄𝒉𝒉𝒊𝒂𝒕𝒕𝒆 𝒊𝒏 𝒏𝒈𝒂𝒊𝒉𝒅𝒂𝒎 𝒄𝒉𝒖𝒂𝒏, 𝒊𝒏 𝑷𝒂 𝒗â𝒏𝒂 𝒎𝒊𝒊𝒏 𝒂 𝒏𝒈𝒂𝒊𝒅𝒂𝒎 𝒗𝒆 𝒂𝒏𝒈 𝒄𝒉𝒆 𝒖. 𝑵𝒊𝒎𝒂𝒉𝒔𝒆𝒍𝒂 𝒎𝒊𝒕𝒆 𝒊𝒏 𝒏𝒈𝒂𝒊𝒉𝒅𝒂𝒎 𝒔𝒊 𝒍𝒐𝒉 𝒄𝒉𝒖𝒂𝒏, 𝒊𝒏 𝑷𝒂𝒊𝒏 𝒊𝒏 𝒃𝒂𝒘𝒉𝒄𝒉𝒉𝒊𝒂𝒕𝒕𝒆 𝒂 𝒏𝒈𝒂𝒊𝒅𝒂𝒎 𝒃𝒊𝒌 𝒍𝒐 𝒗𝒂𝒏𝒈." (𝗠𝗮𝘁𝘁𝗵𝗮𝗶𝗮 𝟲:𝟭𝟰-𝟭𝟱)
               
               Vawiinah  "𝑵𝒈𝒂𝒊𝒉𝒅𝒂𝒎𝒏𝒂" tih thupui hmanga lehkha ziak tûrin ka rilruah a rawn awm thut mai a, tling lo tak leh insit chungin ka theih tawkin ka rawn thai leh nawk nawk dâwn a ni. Thu ziak ṭhang êm êm ka nih loh avângin sei lutuka ziak hi a chhiartu tân a ninawm palh ang tih pawh ka hlau hle a, chuvângin tawitêa rawn ziak vê hram erawh ka tum a ni.

A chunga ka rawn tarlan tak Bible châng khi Lal Isua ṭawngkam a ni a, kan Lal Isua pawhin ngaihdamna chungchâng hi a ngai pawimawh hle niin ka hria. Lehkha ziaktute leh Pharisaite pawh khan an do nasa a, tihduhdahna chi tinreng a tuar bawk a ni. Tin, kan hriat ṭheuh tawh angin Isua chuan kan sualnate ngaidma tûrin leh chatuana nunna kan lo neih theih nân Kalvari Kross-ah khenbeh a ni kha! Chutichuan, Kross-ah an khengbeh khan a thih dâwnah pawh khan Pathian hnênah a khengbettute tiltih ngaidam tûrin a dîl a ni. (Luka 23:34)

Tûna kan biak mêk kan Pathian hi ngaihdamna ngah tak a ni a, Juda Lal Manasea khan a ti thinrim avângin Lalpa chuan Asuria Sipai a tira Babulon salah a tantîr a ni. Mahse Manasea chuan Babulon sala lungngai taka a awm hnuin a pi leh pute Pathian hmaah nasa takin a intihnuai a. Lalpa hnêna a inchhir taka a ṭawngtai hnuah Lalpa chuan Jerusalem-ah a hruai haw leh tih kan hmu a ni. (II Chronicles 33:9-13) Chutiang bawkin keini ringtute pawh hian vawi engemaw zat Lalpa kan ti thinrim ṭhin a, pain a fate a hmangaiha vua ang hian Lalpa chuan min vaw ṭhin pawhin a rinawm a ni. Tin, kan sual kan sima rilru/thinlung zawng zawnga kan inchhiara a hnên kan pan phawt chuan engtik lai pawha danglam ngai lo Pathian chuan min ngaidam ṭhin a ni.

Khawvêlah hian keini ringtute hi khualzin mai kan ni a, nakina kan hawna hmun tûr chu Pa hnen a ni tih erawh kan hai hlawm lovin ka ring. Lalpa chuan ringtute hi harsatna kan tawh a phala harsatna hi min chhutkian sak dâwn ni lovin harsatna kan tawh hunah ama hnêna kan thlen thiam theih nân a duh a ni.Chutichuan, he kan khual zinna ramah hian mite tihduhdahna te, sawichhiatna te, elrelna te, huatna te, hnuaichhiahna te leh hupphurhna te pawh kan tuar a ni mai thei. Chûng min sawichhetu te zawng zawng chu kan beih let chuan anmahni ang chiah kan ni ang a, kan thinlung chhûngah hian Lalpa hian hmun a chang dâwn lo hi a lo ni reng a ni. Miin dawta sual tinrenga min hek pawhin Lalpa hminga kan ngaihdam erawh ringtute tih mawk mawh lian tak chu a ni. Petera khan Isua hênah ka unauin ka chungah thil tisual sela vawi sarih tleng em ni kan ngaihdam ang tia a zawh khan Isuan a hênah "Vawi sarih tlengin ka ti lo va che, vawi saih hmun sawmsarih tlengin ka ti zâwk che a ni tiin a chhang a ni. (Matthaia 18:21-22)

A tawp berah chuan, Lal Isua chuan mi bawkchhiatna kan ngaihdam chuan kan Pa vâna miin min ngaihdam tûrte leh kan ngaidam lo a nih chuan kan Pa vâna miin min ngaidawm bik dâwn loh thu min hrilh a ni. Tin, Petera hnênah pawh min te'n kan chunga thil an tihsual chuan vawi sarih hmun sawmsarih ngaidam tûrin a hrilh ang bawkin keini ringtute pawhin kan chunga thil tisualtute hi vawi sarih hmun sawmsariha kan ngaihdam theih nân Lalpan kan za atân mal min sâwm sak rawh se! Amen.

𝐑𝐀𝐋𝐓𝐋𝐀𝐍𝐓𝐄 𝐓𝐀𝐍 𝐃𝐀𝐌𝐃𝐀𝐖𝐈 𝐈𝐍𝐄𝐍𝐊𝐀𝐖𝐋𝐍𝐀

         Member-te dam lohna avângin Clinic kan kal duh a nih chuan heng a hnuaia QFFD Clinic leh Global Doctor Clinic ah hian daktor thiam tak tak an awm a, mahni duh duh naah pan mai tûr a ni. Tin, QFFD leh Global Doctors te hi UNHCR nên inlaichinna (partnership) an nei a, hêng Clinic hmun hnih aṭang doctor-in dam lo tân memo a ziah sakte chu UNHCR chuan a ngai pawimawh hle a ni.

 

𝐐𝐚𝐭𝐚𝐫 𝐅𝐮𝐧𝐝 𝐟𝐨𝐫 𝐃𝐞𝐯𝐞𝐥𝐨𝐩𝐦𝐞𝐧𝐭 (𝐐𝐅𝐅𝐃)

                 QFFD Clinic hi nikum December 19, 2020 khan Refugee Clinic atân Mercy Malaysia enkawlna hnuaia hawn a ni.

Address: QFFD Clinic, Ampang, D3-6-01, Jalan Mewah ½ , Taman Pandan Mewah, 68000 Ampang, Selangor.

Contact Details: 03-4288 6364

Clinic Hour: Monday to Friday, 10:00AM – 4:00PM

Saturday and Sunday: Closed

Doctor biang biakna leh damdawi man: RM 10

𝐍𝐨𝐭𝐞: Covid-19 hi mi 1000 Chanpual (quota) a thlawnin an test sak tawh a, pawisa thawh lâwm (fund) an zawng mek a, an hmuh hunah chhunzawm leh an tum a ni. 

 

𝐆𝐥𝐨𝐛𝐚𝐥 𝐃𝐨𝐜𝐭𝐨𝐫𝐬 𝐌𝐞𝐝𝐢𝐜𝐚𝐥 𝐂𝐚𝐫𝐞 𝐂𝐞𝐧𝐭𝐫𝐞

                 Global Doctors Medical Care Centre chuan March 3, 2020 khan UNHCR nên inlaichinna (partnership) an siam hnuin March 9, 2020 khan Official takin an hawng a, Râltlante leh humhim ngaite chhawm dawl an tum bawk a ni. A hmunah hian doctor specialist thiam tak tak mai an awm nuk bawk a ni.

Address:  Global Doctors Centre, Bayu Walk, Jalan Kiara 2, Mont Kiara, 50480 Kuala Lumpur, Federal Territory of Kuala Lumpur.

Contact Details: 03-6203 3999

Clinic Hour: Monday to Saturday, 1:00PM – 5:00PM

Sunday and Public Holidays: Closed

Doctor beng biakna, X-ray, CT scan, Mammogram zawng zawng hi a thawn (free) a ni a, damdawi man 50% discount.

X-ray, CT scan, Mammogram are free.

𝐍𝐨𝐭𝐞: Covid-19 an test thei a, a test manah RM 350 pêk a ngai a ni.

Heng a chunga Clinic-ah te hian Pudu leh Bukit Bintang aṭang Grab-in kan kal dawn a nih chuan RM 15 (or) 17 vêl kan seng ang. UN Card leh a phekhlai an pawm ve ve a ni.

Evan. Challianthanga - Pentecost

LIST OF DONORS

Pristine World's Bible Discovery Series

𝕋ℍ𝕃𝔸𝕄𝕌𝔸ℕ𝔾 𝕋𝔸𝕂𝕀ℕ 𝕀 𝔸𝕎𝕄 𝔸ℕ𝔾 𝕌

                         
𝕄𝕒𝕝𝕒𝕪𝕤𝕚𝕒 𝕄𝕚𝕫𝕠 ℂ𝕠𝕞𝕞𝕦𝕟𝕚𝕥𝕪 𝕝𝕖𝕙 𝔽𝕖𝕝𝕝𝕠𝕨𝕤𝕙𝕚𝕡 Member zawng zawngin kan hriat ṭheuh tawh angin May 14, 2020 ni khan Pudu Area-ah Covid-19 vânga damlo MI 58 an tling tawh a; Sorkar lam chuan Red zone-a a puan hnuin a zânah Pudu hmun ṭhenkhat chu thîr hlîng nei (Barbed Wire) nen lockdown a ni tih thu kan hre ṭheuh tawh awm e!
Hetianga an lockdown hi Selangor, Gombak District-a Selayang khua ang a Enhanced Movement Control Order (EMCO) a ni lo tiiin Senior Minister Datuk Seri Ismail Sabri Yaakob chuan New Straits Times-ah a sawi a ni. (By Nuradzimmah Daim - may 15,2020 @ 3:43pm)

Health Ministry of Malaysia chuan May 15, 2020 ni aṭang Covid-19 Screen test a neih hnuah Positive anga a rinhlehte chu an floor a cheng zawng zawng nên quarantine kar 2 chhûng nei tûrin Bas-in a phur chhuak zêl a ni. Hetianga Health Ministry lamin an phurh chhuah zawng zawng hi an man ni lovin quarantine tûr mai an ni. Sum leh pai pêk ngai miah lova Health Ministry lamin Coronavirus min test sak hi kan vannei kan ti lo thei lo a ni a, kan ṭhat na tûrin Lalpa remruatah i ngai ang u. "𝑻𝒊𝒏, 𝑷𝒂𝒕𝒉𝒊𝒂𝒏 𝒉𝒎𝒂𝒏𝒈𝒊𝒂𝒉𝒕𝒖, 𝒂𝒎𝒂𝒉𝒂 𝒓𝒖𝒂𝒕 𝒂𝒏𝒈𝒂 𝒂 𝒌𝒐𝒉𝒗𝒂𝒕𝒆 𝒕𝒂𝒏 𝒄𝒉𝒖𝒂𝒏, 𝒂𝒏 ṭ𝒉𝒂𝒕𝒏𝒂 𝒕û𝒓𝒊𝒏 𝒆𝒏𝒈𝒌𝒊𝒎𝒊𝒏 𝒂 𝒕𝒉𝒂𝒘𝒉𝒔𝒂𝒌 𝒉𝒍𝒂𝒘𝒎 ṭ𝒉î𝒏 𝒕𝒊𝒉 𝒌𝒂𝒏 𝒉𝒓𝒊𝒂." (Rom 8:28)
Tin, Pudu area hmun ṭhenkhatah Polices leh Immigration Officer te pawh kan hmu ṭhîn ang. Member te'n hlauthawng a chiai mai lovin an duty chhan ber nia lang chu Covid-19 test duh lova tlanchhia an awm ṭhîn avângin chûng mite chu vêng tûra duty an ni tih erawh kan hai dâwn lo ania. Tichuan, Selayang EMCO hmun ṭhenkhatah Polices leh Immigration Deparment-in Operasi an nei ṭhîn tih kan hre mai thei a, a chhan leh vang erawh chu kan Unau 'Ro' ho hian Selayang leh a chheh velah buaina an siam nasa a, hêkna a tam em avângin EMCO den chhanin 'Operasi' an bei ṭhîn a ni tih thû hi member ten kan hre ṭheuh dâwn a nia.
A tawp berah chuan thîr hlîng nei (Barbed Wire) chhûnga tang tlângmi zawng zawng leh rawngbâwlpui u leh nau te Lal Isuan, "𝑻𝒉𝒍𝒂𝒎𝒖𝒂𝒏𝒏𝒂 𝒌𝒂 𝒉𝒏𝒖𝒕𝒄𝒉𝒉𝒊𝒂𝒉 𝒂 𝒄𝒉𝒆 𝒖; 𝒌𝒆𝒊𝒎𝒂 𝒕𝒉𝒍𝒂𝒎𝒖𝒂𝒏𝒏𝒂 𝒌𝒂 𝒑𝒆 𝒂 𝒄𝒉𝒆 𝒖; 𝒌𝒉𝒂𝒘𝒗ê𝒍𝒊𝒏 𝒂 𝒑ê𝒌 𝒂𝒏𝒈𝒊𝒏 𝒌𝒂 𝒑𝒆𝒌 𝒍𝒐𝒉 𝒄𝒉𝒆 𝒖 𝒉𝒊. 𝑰𝒏 𝒕𝒉𝒊𝒏𝒍𝒖𝒏𝒈 𝒎𝒂𝒏𝒈𝒂𝒏𝒈 𝒔𝒖𝒉 𝒔𝒆, 𝒉𝒍𝒂𝒖𝒉 𝒑𝒂𝒘𝒉 𝒉𝒍𝒂𝒖 𝒔𝒖𝒉 𝒔𝒆." (Johana 14:27) tia a sawi angin thlamuang takin i awm ang u.

PUDU HMUN ṬHENKHAT LOCKDOWN A NI

                         𝗣𝗨𝗗𝗨 𝗛𝗠𝗨𝗡 Ṭ𝗛𝗘𝗡𝗞𝗛𝗔𝗧 𝗟𝗢𝗖𝗞𝗗𝗢𝗪𝗡 𝗔 𝗡𝗜
                                                                                                           By Lalnunpuia Hualngo

             Tûnlaia Covid-19 tia kan hriatlar êm êm Coronavirus chuan khawvêl hmun hrang hrangah fangkualin mihring 4.53 Million chuan he natna hi an vei tawh a ni. Tin, he Virus avâng hian Malaysia-a cheng a rammite bakah keini tlângmite nunphung pawh hi a tibuai hle bawk a ni. Malaysia ram zauh lam hi 329,847 Square Kilometres niin khawchhak lamah State 11 leh Khawthlang lamah 2 Federal territories (tualchhûng ro inrêl sia Sawrkâr pakhat inzawm) tia ṭhen hran a ni. Tin, Malaysia khaw thlang lam hi a va piah deuh avângin tlângmite hi a tlângpuiin khaw chhak lamah kan chêng hlawm a ni. Malaysia-ah hian March 2020 a UNHCR chhinchhiah (record) angin Râltlan (Refugees) leh Humhim ngai (Asylum-seeker) 179,520 an ziak lut tawh (Registered) a nih thu an tarlang a, chûng zînga 154,460 chu Myanmar aṭang rawn kal an nih thû a tarlang bawk a ni. Chung Myanmar aṭang râltlana rawn kal zîngah chuan Rohingyas mi 101,580, Chin mi 22,660 leh Kawlram chhûnga hnam dang mi 31,220 te an ni tiin UNHCR chuan a tarlang a ni.

Malaysia sorkar chuan March 18, 2020 aṭang khan June 9, 2020 thleng Movement Control Order (MCO) a puang a, (MCO tia an koh hi hmun hrang hranga Lockdown tia an koh nen a inthuhmun deuh reng a ni.) company hmun hrang hrang pawh khar a ni. Tin, May 4, 2020 aṭang khan Malaysia Prime Minister Tan Sri Muhyiddin Yassin-a chuan a ram Economy a tlak hniam em avângin MCO dân (law) tlemin a thla zal deuh va, a ramchhûng hmun ṭhenkhat a dawr ṭhenkhat chu fimkhur taka hawng leh tûrin ruahmanna a siam a ni.

Health Ministry of Malaysia Sorkar chuan State bial chhûnga Coronavirus veite hi a  chhinchhiah zêl a, tin, mahni bial chhûnga natna vei zat mi 41 aṭang chunglam zawng chu "Red Zone" tiin a puang a ni. Tûna Pudu area chhûngah pawh hian tlângmi 2000 vel cheng ang a ngaih a ni. May 5, 2020 thawhṭan zîng 8AM velah Malaysia thuneitu Health Ministry te, Police te leh DBKL te chuan Personal Protective Equiment (PPE) kawr hain Pudu Bazar leh a chheh vêla zawng zawnga cheng ram dang mi 500 (Chûng mite chu a tlangpuiin Bangladeshi, Indonesian, Chinese leh Vietnamese) vel chu Virus an finfiah sak a, chûng an finfiah zîngah mi 10 chuangin Virus an vei thu an hmu chhuak ani. (Thu lakna: Malay Mail by Radzi Razak on 5 May 2020)

Tin, Health Ministry of Malaysia chhinchhiah dânin Pudu area chhûngah May 4 aṭang virus vei thar hmuh chhuah a ni tih thu an sawi. Chûngte chu:


*May 4, 2020 niah Positive zat mi 17
*May 5, 2020 niah Positive zat mi 18 (New Case 1)
*May 6, 2020 niah Positive zat mi 19 (New Case1)
*May 7, 2020 niah Positive zat mi 26 (New Case 7)
*May 9, 2020 niah Positive zat mi 29 (New Case 3)
*May 11, 2020 niah Positive zat mi 32 (New Case 3)
*May 13, 2020 niah Positive zat mi 40 (New Case 8)
*May 14, 2020 niah Positive zat mi 58 (New Case 18)

Hetianga Pudu area chhûngah a vei tawh zawng zawng mi 58 an tlin takah chuan Malysia sorkar chuan Pudu chu "Red Zone"ah a puan hnuin May 14, 2020  Ninga zân 10PM vêlah Sipai pâwl (Army), Police leh DBKL te chuan Pudu hmun ṭhen khat chu thîr hlîng nei (Barbed Wire) nên hung hrangin a lockdown nghal a ni. Tin, May 15, 2020 zîng aṭang Health Ministry lam chuan an lockdown hmun chu a dawt te tein virus an vei leh vei loh a fianfiah nghal a ni. 

Malaysia sorkarin a lockdown Pudu hmuna kan tlângmi leh MMC member zawng zawng tam tak pawh an hlauthawng viauin a rinawm a, mahse Pudu hmun ṭhenkhat chu Red Zone a an puan avângin virus an neih leh neih loh a thlawna finfiah sak an nia, kawng leh lama ngaihtuah chuan Health Ministry lamin a thlawna min finfiah sak hi a lâwmawm viau a ni. 

Khawvêl hmun hrang hranga cheng rawngbâwlpui u leh nau zawng zawngte Malaysia Pudu-a cheng kan tlângmi zawng zawngte thlamuang taka an awm ṭheuh theih nân ṭawngtainain min hre reng hlawm dâwn a nia. 

"Amah ṭihtutu chu, an vêlah LALPA vântirhkoh chuan a awm chilh a, a chhanhim ṭhîn." (SAM 34:7)

===============================================================